ئاژانسى العين بۆراگه ياندن

خةلاَتي نوبيلي ئاشتيي ئوَباما بوَضي ؟
10/10/2009
العين /
له‌ رِاپۆرتێكى ئاژانسى هه‌واڵی رِۆیته‌رزدا هاتووه‌ كه‌ به‌ده‌ستهێنانى خه‌ڵاتى نۆبێلى ئاشتى له‌لایه‌ن باراك ئۆباماوه‌، زۆر له‌ ئه‌مه‌ریكاییه‌كانى خسته‌ گومانه‌وه‌ له‌وه‌ى ئه‌م رِێزلێنانه‌ "بۆچى؟".

هه‌ر له‌ رِاپۆرته‌كه‌دا هاتووه‌ كه‌ هه‌ندێ له‌ ئه‌مه‌ریكاییه‌كان جه‌ماوه‌ریبوونى ئۆباما له‌ نێو هه‌ندێ وڵاتى ئه‌وروپا و وڵاتانى تر رِه‌ت ده‌كه‌نه‌وه‌.

هه‌ر زوو دواى رِاگه‌یاندنى خه‌ڵاتى نۆبێڵى ئاشتى، له‌ نێو سایته‌كانى سه‌ر تۆرِى ئینته‌رنێت باسوخواسێكى زۆرى لێكه‌وته‌وه‌، یه‌كێك له‌و ماڵپه‌رِانه‌ ماڵپه‌رِى "Twitter" بوو كه‌ ماڵپه‌رِێكى كۆمه‌ڵایه‌تییه‌ و هه‌ركه‌سێك بابه‌تێك یا كۆمێنتێكى هه‌بێ لێی بڵاو ده‌كاته‌.

یه‌كێك له‌و كه‌سانه‌ى كه‌ به‌ كۆمێنتێك له‌و ماڵپه‌رِه‌دا به‌شداریی كردبوو، به‌ ته‌نزه‌وه‌ له‌باره‌ى خه‌لاته‌كه‌ى ئۆباماوه‌ نووسیبووى: "بۆ خه‌ڵاتى نۆبێڵى پێنادرێت، هه‌رچ ته‌بێت دوو سێ كتێبى نووسیووه‌!".

له‌ رِاپرسییه‌كى رِاسته‌وخۆى كه‌ناڵى MSNBC پرسیار كرا ئاخۆ ئۆباما شایانى ئه‌و رِێزلێنانه‌یه‌ یا نا، نزیكه‌ى 62%ى زیاتر له‌ 194,000 وه‌ڵام گوتیان "نه‌خێر"، 24% یان گوتیان "به‌ڵێ"، له‌كاتێكدا 13% گوتیان رِۆچێك دابێت "به‌ڵێ" به‌ڵام ئێستا زۆر زوو بوو.

شایانى باسه‌ وه‌رگرتنى خه‌ڵاتى ئاشتیی نۆبێل له‌لایه‌ن ئۆباماوه‌ له‌و كاته‌وه‌ دێت كه‌ ئۆباما فه‌رمانى دابوو 21,000 سه‌ربازى تر رِه‌وانه‌ى ئه‌فغانستان بكرێت.